علشان تتأكد انك فى مصر

ï لو انك نزلت في مطار عاصمة بلد كبير و مشيت في شوارعها و عاشرت أهلها و عشت معهم أيام و شهور فكيف تعرف و تتأكد أن هذا البلد هو مصر؟

ï أكيد من طيبة الناس و ظرفهم و تنكيتهم على أنفسهم و صبرهم الجميل..!!

كل ده كويس .... لكن لو عايز تتأكد أكتر من كده انك فعلا في مصر:

1- لو لقيت من كل بيت خارج مدرس خصوصي تبقى أنت أكيد في مصر.

2- لو لقيت في كل بيت واحد مات من السرطان.... تبقى أنت أكيد في مصر.

3- لو جبت في الثانوية العامة فوق ال 90% و مدخلتش غير التجارة.... تبقى أنت أكيد في مصر.

4- لو رحت التأمين الصحي و أدوك حديد و زرنيخ.... تبقى أنت أكيد في مصر.

5- لو دخلت المستشفى تشيل الزايدة و أتسرقت كليتك.... تبقى أنت أكيد في مصر.

6- لو دخلت مكتب حكومي و قالولك فوت علينا بكرة يا محترم.... تبقى أنت أكيد في مصر.

7- لو خلصت دراستك و خدت الشهادة و قعدت على القهوة سنين لحد ما الحكومة توظفك.... تبقى أنت أكيد في مصر.

8- لو انت في بلد ربع سكانها ساكنين في عاصمتها.... تبقى أنت أكيد في مصر.

9- لو انت في بلد كان زمان من 50 سنة ممنوع كشف "ستوماك" يعني بطن الراقصات في الكباريهات و دلوقتي ستاتها و بناتها ب "الستوماك" في الشوارع ماشيين .... تبقى أنت أكيد في مصر.

10- لو سمعت و قريت جملة اللى نعرفه أحسن من اللى منعرفوش .... تبقى أنت أكيد في مصر.

11- لو سألت عسكري مرور تعرف تقرأ و تكتب ورد عليك و قال أعرف أقرى و أكتب "بس " نمر العربيات .... تبقى أنت أكيد في مصر.

12- لو لقيت عجوز و عجوزة ماشيين و معاهم سلم خشب لزوم طلوع الرصيف .... تبقى أنت أكيد في مصر.

13- لو لقيت سواقين العربيات راسمين أحزمة أمان على صدورهم .... تبقى أنت أكيد في مصر.

14- لو سمعت و شفت عربية مطافي الحريق سواقها بيزعق في الميكروفون : فين الشارع اللى فيه الحريقة .... تبقى أنت أكيد في مصر.

15- لو قريت و سمعت ان الحكومة هتنهي عقود شركات الزبالة "الأجنبية" لأنها لم تف بالتزاماتها ( وكان ليه من أصله) ! .... تبقى أنت أكيد في مصر.

16- لو مزنوق في الشارع و ملقتشى مراحيض عامة .... تبقى أنت أكيد في مصر.

17- لو سمعت الناس بتتجنب الذهاب لأقسام الشرطة منعا للبهدلة .... تبقى أنت أكيد في مصر.

18- لو سمعت أن القضايا بيتحكم فيها بعد وفاة المتقاضين .... تبقى أنت أكيد في مصر.

19- لو مرة لقيت رسوم الزبالة على فاتورة الكهرباء و مرة تانية على فاتورة الغاز .... تبقى أنت أكيد في مصر.

20- لو فتحت التليفزيون و شفت ظرف "البيت بيتك" .... تبقى أنت أكيد في مصر.

21- لو سمعت كلمة "أهلا يا باشا" و كلمة " ائمورني يا باشا" .... تبقى أنت أكيد في مصر.

22- لو شفت الست تخلع جوزها بعد طول عشرة .... تبقى أنت أكيد في مصر.

23- لو تقف في طابور علشان رغيف العيش .... تبقى أنت أكيد في مصر.

24- لو حد النهاردة اسمه " بوحة" و إمبارح كان اسمه " اللمبي" و الحد ده يقش ملايين .... تبقى أنت أكيد في مصر.

25- لو سمعت الكبير بيقول للصغير " حضرتك " .... تبقى أنت أكيد في مصر.

26- لو سمعت ان فيه ناس بتتجوز في خمس و سبع نجوم و ناس تانية مش لاقية تتجوز .... تبقى أنت أكيد في مصر.

27- لو سمعت و قريت إن فنان ابن فنان يعمل عملته و ينكر و القضاء مازال يفكر ثم يفكر .... تبقى أنت أكيد في مصر.
منذ حوالي 8‏ اشهر · امسح مشاركة