يوم الفراق
بشر اللي .. ينتظر يوم الفراق
قل تباعدنا .. ولايمكن نعود
بانت الصوره بقلبي يوم .. فاق
جرد الواقع .. سرابك يالجحود
كنت تزعلني .. وأنا أرجيك الوفاق
هاقي أن الحب في .. قلبك يزود
لك وفيت أبلا حدود ولا أتفاق
راحت أسنيني معك.. من غير فود
يوم قلبي عن هوى غيرك أمعاق
أخلص وصانك .. وجازيته لهود
خايني.. طعم الغدر مر المذاق
و عزتي ما شري بها .. كل الوجود
كانو أقرابي وغالين الرفاق
ضد حبك بس أنا طبعي صمود
وأنتهي المشوار وأعلنت أحتراق
حبنا اللي مات .. في عمر الورود
من عيوني
من عيوني هلت دموع العذاب
وصارت العبرات تنزل عالخدود
وابتدت دنياني من شفتك سراب
اتبعه وأظن له عندك حـــدود
وانتهت زفرات عمري بالغياب
من وفاتي قبلها الأيام ســود
اعتقد غيري لقى عندك رحاب
واعتقد وجدي صدق كل الوعود
أمنياتي عيشتك ويا السحاب
وأمنياتك كل مآبي للركــود
والله إني دنيتي بعدك خراب
والله إني شفت من قلبك جحود
اسهر الليل اللي معذبني وأهاب
لا رأت عيني على طيفك شهود
انتي عمري وانتي الأمر المجاب
قلتها مبروك يا عمر الوجود
ارحمي ورو في على منهو مصاب
من هواكم طار عقله من الوجود